Monday, April 13, 2009

നീ എനിക്ക് ആരാണ്..........???

ഏകാന്തതയുടെ തടവുകാരനായ്
ലക്ഷ്യവും സ്വപ്നങ്ങളുമില്ലാതെ
തേങ്ങുന്ന ഓര്‍മ്മകളുമായ് ഞാനെന്‍
‍മുറിക്കുള്ളില്‍ അലയുകയായിരുന്നു....

കണ്ണീരില്‍ കുതിര്‍ന്ന നിനവുകള്‍
പുനര്‍ജ്ജനിയില്ലാത്ത കനവുകള്‍
എല്ലാം ഞാന്‍ ആത്മാവിലെരിയുന്ന
ചിതയിലര്‍പ്പിച്ചു നീറുകയായിരുന്നു....

തമസ്സിന്‍റെ നിഗൂഡതയിലേക്ക് ഞാന്‍
ദിക്കറിയാത്ത കുരുടനെ പോലെ
പദമിടറി നീങ്ങുമ്പോള്‍ നീ
നന്‍മയുടെ വെളിച്ചമായ് വന്നു....

നിന്നെ കുറിച്ച് നിനക്കേറെ
പറയുവാനുണ്ട്, എങ്കിലും
പ്രിയസഖീ, വേവുന്ന മനസ്സില്‍
നീ ഹിമകണമായ് നിറയുന്നു....

വിതുമ്പുന്നു എന്‍ മുന്നിലെപ്പോഴും
നീയൊരു പിഞ്ചു കുഞ്ഞിനെ പോല്‍
പറയുന്നു നീ നിത്യം ഞാനൊരു
ദൈവമാണ് നിനക്ക് മരണം വരെ...

അനാഥാലയത്തിലെ ദുരിതജീവിതം
നിന്നോര്‍മ്മയെ ചുട്ടുപൊള്ളിക്കുമ്പോള്‍
ഉതിര്‍ന്നു വീഴുമാ മിഴിനീര്‍തുള്ളികള്‍
നിശ്ചലമാമെന്‍ കാലുകളിലായിരുന്നു....

അറിയുന്നു ഞാനിപ്പോഴാ സത്യം
മൂളിയും നിരങ്ങിയും നീങ്ങുമീ
വീല്‍ചെയറിന് നീയൊരു ഇന്ധനമായ്
നിറയുമിനിയീ ജീവിതയാത്രയില്‍....

പറയാനറിയില്ലാ നീയാരാണെനിക്ക്
എങ്കിലുമറിയാം നീയാണെനിക്കെല്ലാം
എന്‍റെ ശ്വാസവും താളവും സ്വപ്നവും
ചലനവും വെളിച്ചവും നീ മാത്രം....

8 comments:

മിന്നാമിനുങ്ങുകള്‍ //സജി.!! said...

അറിയുന്നു ഞാനാ സത്യവും നിത്യേന,

Sureshkumar Punjhayil said...

Jeevan thanneyum avalalle... Ella Ashamsakalum....!!!

sujith said...

എന്‍ജീവ രക്തത്തിന്‍ ചെന്നിഞ്ഞമാണിതില്‍
എന്നിലെ സ്നേഹമിതെന്‍ സുഗന്ധം
എന്നും നിനക്കൊരുപൂവ്തരാം
സ് നേഹ നൊമ്പരം മാത്രമെനിക്ക്തരൂ

അപർണ said...

"neeyenikkaaraanu' palappozhum manassilaavaatha kaaryam...kavitha nannaayittundu

deepa said...

nanayitundu

lekshmi. lachu said...

nee anu enikkellam....ente swasavum,thalavum,swapnavum...
valare nanairikkunu...

Sannuuu...! said...

പറയാനറിയില്ലാ നീയാരാണെനിക്ക്
എങ്കിലുമറിയാം നീയാണെനിക്കെല്ലാം
എന്‍റെ ശ്വാസവും താളവും സ്വപ്നവും
ചലനവും വെളിച്ചവും നീ മാത്രം....

Unknown said...

എല്ലാം എല്ലാം